Saltar ao contido principal

Falafel


O faláfel (ou falafel, non o teño claro) é unha receta de oriente próximo ou oriente medio. Polo Líbano, por exemplo, ten bastante fama.

INGREDIENTES

  • Garavanzos (uns 350 g na foto)
  • Perexil
  • Cilantro
  • Eneldo
  • Allo (2 dentes aprox)
  • Media ceboleta grande
  • Especias (unha cullerada de café ou así de cada: Sal, pemento doce, pementa negra, cominos. Supostamente tamén levaría un par de clavos pero non os atopei na casa.
  • Fariña (eu usei fariña de garavanzo, e esquecin poñela na foto) 


TEMPO

 Ademáis do tempo de ter os garavanzos en remollo (unhas 12 horas), o tempo de facelo será media hora, máis fritir.

PROCESO

O dia anterior hai que poñer os garavanzos a remollo. Logo úsanse crudos.
 
Poñemos o verde (a parte máis gorda tos tocos do perexil e cilantro non a usei) xunto co allo e a cebola cortada en cachos na picadora, e picámolos. Fago isto antes de poñer os garavanzos porque noutra proba con todo xunto non picaba ben.


Despois poñemos os garavanzos, e picamos. Quizás eran demasiados para poñer todo xunto... fixen varias paradas para revolver cunha culler.

Despois engadín as especias, e volvín a picar para mesturar todo.

Pasei a mestura a unha ensaladeira e acabei de mesturar ben as especias, que na picadora non mesturaba ben. Logo gardeino na neveira para que repousase un cacho (e realmente deixeino ata o día seguinte).
Intentei facer as croquetas así, pero non se me aguantaban, quizás porque estaba todo demasiado húmido. Así que engadín fariña de garavanzo ata que estaba algo máis seca a masa, e xa podía formar croquetas.
E así si que puiden facer as croquetas.
Coa cantidade que fixen deu para 23 croquetas grandes. A forma é como un cilindro chato. Nun vídeo vin que hai cacharros especiais para facelas, ou incluso usar como molde a parte dunha cafeteira italiana onde se pon o café. Eu fíxenas á mau.
Para fritir, o aceite ten que cubrir as croquetas. 
Non medín o tempo que as fritín. Simplemente, que queden douradas como na foto. Iso si, sen poñer o lume a tope, porque se non dóurase por fora e queda o de dentro completamente crudo. Tampouco é que se vaia cociñar moito, pero algo venlle ben. Púxenas sobre un papel absorbente.

E para acabar, a foto final. Abrín un dos falafeles para que se vexa como queda por dentro. Non están mal, pero son moi, moi secos. Unha salsa de iogur para acompañar viría ben..

En algún sitio vin que usaban tamén semente de sésamo na mestura, tamén algo de levadura seca, e un par de clavos machacados no morteiro. Eu non usei nada diso.
Etiquetas:
Localización: Líbano

Comentarios

Publicar un comentario

Publicacións populares deste blog

Sopa de pescado e marisco

  Sopa de pescado e marisco. Todas as noiteboas fago unha parecida. Poden variar os ingredientes, porque esto consiste basicamente en ir cocendo cousas e metelas xuntas nunha pota, aproveitando a auga de cocelas, claro. Se en vez de usar cousas conxeladas ou de lata se usan as frescas, sabe mellor, claro ;) Esta é a lista dos ingredientes que usei este ano. Para o ano que ven, ou para ano vello se a fago, quen sabe... INGREDIENTES 1/2 Kg de berberechos 1/2 Kg de gambas peladas 8 barriñas de surimi ("palitos de cangrexo") 1/4 Kg de chipiróns 4 Cabezas de pescado (merluzas) 1 Kg de ósos de rape 1 "tronkito" de merluza 1/4 Kg de carne de mellixóns 1/4 Kg de carne de zamburiñas 1 sobre de crema de lubrigante (non atopei a de langosta) Un bote de salsa de tomate (400 g aprox.) 1 pocillo de tapioca Azafrán TEMPO Hora e media, máis ou menos PROCESO Se usas berberechos -chícaros, que se di na miña casa- con casca (recomendable porque...
Publicar un comentario
Ler máis

Boliñas de queixo

Esta é unha especie de receta de aproveitamento, mesturada con pinchoteo. Pode facerse con queixo fresco relado, claro, pero eu fíxeno con queixo que tiña seco na nevera, que parecía un croio. Con mozarella ou gouda ou así queda derretido por dentro, co que fixen eu non. INGREDIENTES Queixo relado (aproveitando queixos varios vellos): Eran 173 g. 2 culleradas de maicena: 30 g (que quizás sobraba algo) Un ovo 2 culleradas de leite (non está na foto, foi unha adaptación porque quedou moi seco). TEMPO 20 ou 25 minutos. PROCESO Mesturamos o ovo e a maicena co queixo relado. Como este era queixo moi seco, probablemente a maicena sobraría. Hai que amasar á mau un bo cacho, e quedaba demasiado seco, así que metín un par de culleradas de leite. O aspecto final da masa é este: Compacta, seca, pero que mantén a forma. Agora toca coller cachiños e facer bolas. A min saíronme 37. E fritir. Lume alto e sen poñer demasiadas boliñas de vez para que non baixe a temperatura. Como eran pequenas, metín d...
1 comentario
Ler máis

Ensalada de cochayuyo

Outro invento, de orixe chileno. O cochayuyo ( Durvillaea antárctica ) é unha alga do pacífico que parece ser que se come habitualmente en Chile (aínda que eu non o vin en ningunha carta de restaurantes). Véndese nunha especie de mollos deshidratados que pesan moi pouco (cento e pico gramos) que hai que hidratar e cocer, e úsase habitualmente en ensaladas, ceviches e  cazuelas , entre outras recetas.  Ten moi pouco sabor (sobre todo se o coces sin sal) e unha textura medio xelatinosa e algo similar á punta da orella de cocho cocida, algo triscante (depende do que o cozas, claro). O máis difícil da receta igual foi conseguir o cochayuyo. Eu aproveitei unha viaxe a Chile ☺. INGREDIENTES Cochayuyo, claro. Eu usei como un cuarto do paquete seco, que deben ser 40 ou 50g aprox (na foto xa está hidratado, e usei a metade do que se ve). Cebola, pode ser colorada ou branca, eu usei media ceboleta escasa 1 tomate Medio pemento colorado e medio verde 1 Zanahoria Unhas follas de cilantro ...
Publicar un comentario
Ler máis