Normalmente esta receta é con bacallau, pero eu atopei a maruca a bo precio, así que o fixen con maruca.
INGREDIENTES
- Garbanzos (300 ou 400 gramos)
- Maruca (uns 300 gramos)
- Espinacas
- 2 ou 3 patacas pequenas
- aceie, allo e pimento dulce para un rustrido.
TEMPO
Sumando o que tardei, supoño que unha hora e cuarto aprox.PROCESO
Esta receta require "pre" proceso. Hai que poñer os garbanzos a remollo a noite anterior, e hai que desalar a maruca. Esto pode tardar un día, ou 2, ou máis, dependendo do salado que estivera, do gordos que sexan os cachos, de se o facemos a temperatura ambiente ou na nevera... daría para unha novela. O que eu fixen foi con cachos relativamente delgados, e tívena desalando algo así como un día, cambiando de auga un par de veces. E picaba un pouquiño ó sal.
E como facer o resto... pois normalmene dunha vez, pero eu fíxeno en dúas, con algúns sustos polo medio. Vamos, que saliu de milagro.
Como xa tiña os garbanzos a remollo, pero aínda non tiña a maruca desalada (foi medio improvisación), pois cocín os garbanzos. Según din, hai que poñelos en auga quente, e así o fixen. Deixei que levantaran a fervedura, puxen a lume medio-baixo e funme ver unha película. Cando volvín pola cociña (correndo) porque me esquecera, pasaran uns 40-45 minutos. Non estaban queimados, e estaban cocidos, así que apaguei e deixeinos na pota, para continuar ó día seguinte.
Para acabar a receta, casquei as patacas (en vez de cortalas co coielo, para que solten máis fécula), cortei en cachos medianos/pequenos a maruca, e piquei tamén un bo ramo de espinacas frescas. Puxen espinacas frescas porque as atopei, pero tamén teño cociñado con conxeladas (esas que venen en bloques) e tamén saben ben.
Collemos a pota onde estaban os garbanzos cocidos, poñémola ó lume e cando empece a ferver botamos as patacas e as espinacas.
Cinco minutos despois, podemos botar a maruca.
Deixamos que coza uns 15 minutos a lume medio. Para rematar, facemos un rustrido: poñemos allo picado en aceite, cando estea dourado botamos unha chucharada de pimento dulce, e apartamos. A min gústame botarlle un chorro de vinagre (creo que me gusta porque se pon a fumear e facer ruído, pero iso é aparte...). Non hai fotos do rustrido, só do allo dourándose, pero tampouco ten moito misterio.
Botamos o rustrido na pota, revolvemos, e deixamos que coza un par de minutos máis. Podemos pinchar unha pataca. Se está cocida, o resto vale.
E finalmente, botamos no plato e comemos. Estaba bo, e deu para repetir. E requente sabía igual de ben (ou mellor!)
Comentarios
Publicar un comentario