Saltar ao contido principal

Pizza

 
Pizza, si. Pero caseira. Facéndoo case todo, claro. Di miña nai que estas merdas non lle gustan, pero ela fala das conxeladas do súper. Estas son outra cousa.

INGREDIENTES


Para a masa:
  • Fariña (250 g ou así)
  • Levadura de panadería (non a pesei, ocuparía unha cucharada do café ben chea)
  • Sal, auga, aceite de oliva.
Para poñer por encima:
  • Tomate frito
  • Queixo para relar
  • Tomate (eu usei tomate pera) natural
  • Xamón curado
  • Xamón cocido
  • Mortadela
  • Aceiunas
  • Orégano (moi importante! anque non sae na foto)



TEMPO

 Media hora escasa.

PROCESO

Primeiro hai que facer a masa. Non saquei fotos, pero eu fixen case igual que para facer a empanada de carne ou incluso a de pan.

Logo hai que ir estirándoa, mellor se podes ir facéndoo xirando a masa e estirando pouco a pouco. Eu, como non podía facer a pizza redonda (polo tamaño e a fonte que ía usar) pois acabei usando o rodillo para estirar.

De todas formas, anque sabía ben, a masa non foi o mellor ... teño que practicar algo máis, para que me saia o borde máis gordo e esponxoso. Xa veremos.

Unha vez teñas a masa estirada, pona en papel de forno xa na bandexa, e a meter ingredientes. 

Empeza polo tomate frito. Eu neste caso collín un de oferta do Lidl e estaba bastante ben. E eu prefiro par estas cousas o tomate frito xa feito que a salsa de tomate natural que fago eu. Eh, para unha cousa que non é natural non me protesten!

Ah, podes poñer a prequentar o forno a uns 220ºC.


Relamos o queixo encima. Hai quen o pon en cachos, pero eu usei un semicurado e se o poño en cachos non da derretido. Se pós un pouco curado, ou cremoso, ou a mozzarella de búfala (que é o que orixinalmente usaban, creo) podes poñer cachos máis grandes.


Eu continuei poñendo unhas rodaxas finas de tomate pera. Primeiro pensei que non me ía gustar co tomate así, pero logo sorprendeume do que me gustou. Botei tamén cachos de xamón cocido.


Seguín botando uns cachos de xamón crudo, uns cachos de mortadela con aceitunas, e unhas aceitunas verdes sen óso. Tiña a tentación de poñelas con óso, pero sen el xa comes todo e hai menos lío.

Remata cunha boa cantidade de orégano por encima.


Xa case acabamos. Mete a pizza no forno. Deixa que se cociñe a 220ºC durante uns 20 ou 25 minutos (podes ir mirando o aspecto).

Cando a saquei tiña este aspecto.


Pois a comer! Un pouco de ensalada para acompañar, e listo!


Etiquetas:

Comentarios

Publicar un comentario

Publicacións populares deste blog

Sopa de pescado e marisco

  Sopa de pescado e marisco. Todas as noiteboas fago unha parecida. Poden variar os ingredientes, porque esto consiste basicamente en ir cocendo cousas e metelas xuntas nunha pota, aproveitando a auga de cocelas, claro. Se en vez de usar cousas conxeladas ou de lata se usan as frescas, sabe mellor, claro ;) Esta é a lista dos ingredientes que usei este ano. Para o ano que ven, ou para ano vello se a fago, quen sabe... INGREDIENTES 1/2 Kg de berberechos 1/2 Kg de gambas peladas 8 barriñas de surimi ("palitos de cangrexo") 1/4 Kg de chipiróns 4 Cabezas de pescado (merluzas) 1 Kg de ósos de rape 1 "tronkito" de merluza 1/4 Kg de carne de mellixóns 1/4 Kg de carne de zamburiñas 1 sobre de crema de lubrigante (non atopei a de langosta) Un bote de salsa de tomate (400 g aprox.) 1 pocillo de tapioca Azafrán TEMPO Hora e media, máis ou menos PROCESO Se usas berberechos -chícaros, que se di na miña casa- con casca (recomendable porque...
Publicar un comentario
Ler máis

Boliñas de queixo

Esta é unha especie de receta de aproveitamento, mesturada con pinchoteo. Pode facerse con queixo fresco relado, claro, pero eu fíxeno con queixo que tiña seco na nevera, que parecía un croio. Con mozarella ou gouda ou así queda derretido por dentro, co que fixen eu non. INGREDIENTES Queixo relado (aproveitando queixos varios vellos): Eran 173 g. 2 culleradas de maicena: 30 g (que quizás sobraba algo) Un ovo 2 culleradas de leite (non está na foto, foi unha adaptación porque quedou moi seco). TEMPO 20 ou 25 minutos. PROCESO Mesturamos o ovo e a maicena co queixo relado. Como este era queixo moi seco, probablemente a maicena sobraría. Hai que amasar á mau un bo cacho, e quedaba demasiado seco, así que metín un par de culleradas de leite. O aspecto final da masa é este: Compacta, seca, pero que mantén a forma. Agora toca coller cachiños e facer bolas. A min saíronme 37. E fritir. Lume alto e sen poñer demasiadas boliñas de vez para que non baixe a temperatura. Como eran pequenas, metín d...
1 comentario
Ler máis

Ensalada de cochayuyo

Outro invento, de orixe chileno. O cochayuyo ( Durvillaea antárctica ) é unha alga do pacífico que parece ser que se come habitualmente en Chile (aínda que eu non o vin en ningunha carta de restaurantes). Véndese nunha especie de mollos deshidratados que pesan moi pouco (cento e pico gramos) que hai que hidratar e cocer, e úsase habitualmente en ensaladas, ceviches e  cazuelas , entre outras recetas.  Ten moi pouco sabor (sobre todo se o coces sin sal) e unha textura medio xelatinosa e algo similar á punta da orella de cocho cocida, algo triscante (depende do que o cozas, claro). O máis difícil da receta igual foi conseguir o cochayuyo. Eu aproveitei unha viaxe a Chile ☺. INGREDIENTES Cochayuyo, claro. Eu usei como un cuarto do paquete seco, que deben ser 40 ou 50g aprox (na foto xa está hidratado, e usei a metade do que se ve). Cebola, pode ser colorada ou branca, eu usei media ceboleta escasa 1 tomate Medio pemento colorado e medio verde 1 Zanahoria Unhas follas de cilantro ...
Publicar un comentario
Ler máis