Saltar ao contido principal

Guiso de calamares



Creo que me pasei comprando calamares o outro día, así que me sobraron do arroz e había que facer algo con eles.

INGREDIENTES

  • Calamares (uns 250 gramos)
  • 3 ou 4 patacas
  • un cuarto de cebola
  • medio pimento
  • 2 dentes de allo
  • Aceite
  • Sal 
  • Pimenta blanca, perexil (mellor verde, eu só o tiña seco), pimentón dulce
  • un chorro de viño
  • auga/caldo de peixe

TEMPO

Uns 40 minutos.

PROCESO

Coma sempre empezamos polo allo e as verduras, laminando os allos e picando a cebola e o pimento (en xuliana, en cachos como ti queiras). Botamos un pouco de aceite na tixela, douramos algo os allos, e despois botamos a cebola e o pimento. Desde que leven un pouco de tempo ó lume, bota un pouco de sal para que "sude".
Engadimos os calamares, salados, e botamos un pouco de pimenta (blanca no meu caso). Cociñamos un par de minutos, e botamos un chorro de viño blanco.

Aviso: a min dixéronme moitas veces que os calamares (e chipiróns, e potas, etc.) encrúan ó botarlles o viño. Pode ser. Pero a min gústame que estean algo duros, e gústame o sabor que deixa o viño no guiso, así que llo boto. Total, só o comín eu.

Desde que evapore o viño evapore o alcol (fervendo pode ser un minuto ou así) podes botar as patacas (sálaas algo). Se van en cachos pequenos cociñaranse antes, claro.

Logo, bota o perexil picado (xa digo, da máis sabor o verde, eu só o tiña seco e foi o que botei).

Se te fixas na foto seguinte, vense unhas ramas/follas verde claro. É apio. Non o puxen nos ingredientes porque foi un experimento. A min o apio crudo non me gusta, fáiseme moi forte. Pero como comprei un (non sei moi ben por que) pois quero ir gastándoo. Ó final deulle un gusto interesante e non molesto, pero igual que outras herbas se te pasas domina o sabor do plato.

As patacas quedan medio cubertas de líquido, entre o que soltaron as verduras e os calamares, e o viño. Revolve un pouco, e tapa para que coza sen evaporarse demasiado rápido.
 Vai mirando se están as patacas cocidas. Se ves que queda demasiado líquido, destapa e aumenta o lume, co que evaporará. Se ves que queda seco (como me pasou a min despois de destapar, e aínda non estaban as patacas) podes botar auga ou calquera caldo de peixe/verduras. Non creo que quede moi ben caldo de carne :)

Probando quedaba algo soso, así que botei un pouquiño de salsa de peixe que tiña pola alacena. Tamén quedaba algo blanco todo, así que botei un pouco de pimentón dulce. Revoltín, e quedou tal que así.

E para acabar, botei no plato, e comín. Interesante, creo que esta receta vou repetila máis veces. Ah, se ves aceitunas na foto anterior e na do plato, é porque collín unhas poucas para comer mentras esperaba, e tirei catro por encima das patacas. A min gústanme as aceitunas nos guisos e nos arroces, a outra xente non... e como foi algo sin pensar, pois tampouco as puxen nos ingredientes.


Etiquetas:

Comentarios

Publicar un comentario

Publicacións populares deste blog

Sopa de pescado e marisco

  Sopa de pescado e marisco. Todas as noiteboas fago unha parecida. Poden variar os ingredientes, porque esto consiste basicamente en ir cocendo cousas e metelas xuntas nunha pota, aproveitando a auga de cocelas, claro. Se en vez de usar cousas conxeladas ou de lata se usan as frescas, sabe mellor, claro ;) Esta é a lista dos ingredientes que usei este ano. Para o ano que ven, ou para ano vello se a fago, quen sabe... INGREDIENTES 1/2 Kg de berberechos 1/2 Kg de gambas peladas 8 barriñas de surimi ("palitos de cangrexo") 1/4 Kg de chipiróns 4 Cabezas de pescado (merluzas) 1 Kg de ósos de rape 1 "tronkito" de merluza 1/4 Kg de carne de mellixóns 1/4 Kg de carne de zamburiñas 1 sobre de crema de lubrigante (non atopei a de langosta) Un bote de salsa de tomate (400 g aprox.) 1 pocillo de tapioca Azafrán TEMPO Hora e media, máis ou menos PROCESO Se usas berberechos -chícaros, que se di na miña casa- con casca (recomendable porque...
Publicar un comentario
Ler máis

Boliñas de queixo

Esta é unha especie de receta de aproveitamento, mesturada con pinchoteo. Pode facerse con queixo fresco relado, claro, pero eu fíxeno con queixo que tiña seco na nevera, que parecía un croio. Con mozarella ou gouda ou así queda derretido por dentro, co que fixen eu non. INGREDIENTES Queixo relado (aproveitando queixos varios vellos): Eran 173 g. 2 culleradas de maicena: 30 g (que quizás sobraba algo) Un ovo 2 culleradas de leite (non está na foto, foi unha adaptación porque quedou moi seco). TEMPO 20 ou 25 minutos. PROCESO Mesturamos o ovo e a maicena co queixo relado. Como este era queixo moi seco, probablemente a maicena sobraría. Hai que amasar á mau un bo cacho, e quedaba demasiado seco, así que metín un par de culleradas de leite. O aspecto final da masa é este: Compacta, seca, pero que mantén a forma. Agora toca coller cachiños e facer bolas. A min saíronme 37. E fritir. Lume alto e sen poñer demasiadas boliñas de vez para que non baixe a temperatura. Como eran pequenas, metín d...
1 comentario
Ler máis

Ensalada de cochayuyo

Outro invento, de orixe chileno. O cochayuyo ( Durvillaea antárctica ) é unha alga do pacífico que parece ser que se come habitualmente en Chile (aínda que eu non o vin en ningunha carta de restaurantes). Véndese nunha especie de mollos deshidratados que pesan moi pouco (cento e pico gramos) que hai que hidratar e cocer, e úsase habitualmente en ensaladas, ceviches e  cazuelas , entre outras recetas.  Ten moi pouco sabor (sobre todo se o coces sin sal) e unha textura medio xelatinosa e algo similar á punta da orella de cocho cocida, algo triscante (depende do que o cozas, claro). O máis difícil da receta igual foi conseguir o cochayuyo. Eu aproveitei unha viaxe a Chile ☺. INGREDIENTES Cochayuyo, claro. Eu usei como un cuarto do paquete seco, que deben ser 40 ou 50g aprox (na foto xa está hidratado, e usei a metade do que se ve). Cebola, pode ser colorada ou branca, eu usei media ceboleta escasa 1 tomate Medio pemento colorado e medio verde 1 Zanahoria Unhas follas de cilantro ...
Publicar un comentario
Ler máis