Trasteando con potas

Un invento máis. A verdade, non é que estea mal a comida, pero non sei eu se merecerá a pena o traballo que da.  INGREDIENTES Cebolas. Eu usei unha, que era un experimento. Carne: a suficiente para encher as cebolas que uses. Na da foto, sobrou carne. Allo: eu usei un par de culleradas do que teño picado e gardado en aceite. Salsa de tomate caseira. Viño branco (non sae na foto) Sal e pementa (tampouco na foto) TEMPO Unha hora, aproximadamente. PROCESO Empezamos por pelar a cebola e facer o oco para encher coa carne. Eu usei o descorazonador ou como centella se chame que sae na foto. Con que queden 2 capas basta. Eu quizás deixei algo de máis por medo a romper a cebola. Para que ablande algo, metemos a cebola nun cazo cun dedo de auga, e a lume medio uns 10-15 minutos bastan. Mentras a cebola ablanda, pasamos algo a carne. Boteille un pouco de allo, sal e pementa negra. Pensei picar e mesturar o que saquei da cebola, pero decidín deixalo para a salsa. Deixamos que atempere algo a c...

Din que "cuando el grajo vuela bajo, hace un frío del carajo y hay que comer sopas de ajo". Pois iso. Foi un experimento, era a primeira vez que as facía, e serán mellorables, pero a idea é esta. INGREDIENTES Allo. Por suposto ☺. Eu debín usar media cabeza. Pan duro de varios días Tacos de xamón Pementón (doce ou picante ou mestura) 2 ovos Caldo ou auga Aceite TEMPO Media hora aproximadamente PROCESO Eu empecei por tostar algo o pan duro. Probablemente non fixera falta, pero púxeno uns 5 minutos no forno a tope (o meu da 275ºC). Picamos o allo e botámolo na pota cun pouco de aceite Deixamos que se doure un pouco. E engadimos os taquiños de xamón. No meu caso eran frebas máis ou menos grandes peladas do óso, non fan falta lonxas decentes. Ah, e encima o meu era lacón, non xamón. Desde que o allo estea xa dourado e o xamón/lacón algo pasado, engadimos o pan.  Engadimos o pementón. Dámoslle unhas voltas para que o pementón vaia por todo o pan.  Non esperamos moito, que o pementó...

Unha receta "normal"? A medias. Ó final é unha tortilla con cousas. Tiña na neveira un cacho dun brócoli e un allo porro que non quería que se perdesen, e tiña unhas patacas e un pouco de cebola codidos dunha comida anterior. E había ovos, así que ... tortilla! Aínda que xa che digo eu que para algúns amigos igual había que cambiar o brócoli por chourizo 😈. INGREDIENTES Os que teñas. Eu usei: Dúas patacas cocidas pequenas Media cebola pequena cocida Medio brócoli Un allo porro 5 ovos TEMPO 20 minutos aproximadamente. As patacas xa estaban cocidas! PROCESO Empecei por cortar e escaldar o brócoli durante 3 minutos desde que empezou a ferver (o brócoli da foto dos ingredientes xa estaba escaldado). Logo de picar todo o material, empecei por poñer na tixela, con pouco aceite, o allo porro. Despois de un par de minutos incorporei o brócoli. E despois dun minuto máis, a pataca e a cebola. Non lle botei nada de sal (ós ovos si). Salteei todo durante outros 2-3 minutos. Batín os ovo...

  Esta vai de fiambre natural de peituga de pavo. Probei a facela máis que nada porque cando vou ó súper e vexo cousas como "52% de pavo/porco/oquesexa" pois como que me cabreo, porque a outra metade son merdalladas. Pode facerse ó forno (unha amiga fíxoo ó sal no forno) ou cocido, que foi o que fixen eu. INGREDIENTES Unha peituga de pavo As especias que che gusten ou apetezan. Eu puxen Sal Allo en polvo Pementa negra Comino Tomiño Pimentón de la Vera (dulce) TEMPO Un par de horas (hai repouso polo medio) PROCESO O primeiro é mesturar as especias e "rebozar" a peituga na mestura. Despois envólvese nun film e déixase repousar un tempo na neveira. Eu deixeino unhas catro horas, pero con media chegaría. Despois hai que conseguir cocelo sen que lle toque a auga. Eu teño unha máquina de envasar ó baleiro, pero se non se ten pode meterse en algún tipo de bolsa e máis film. A cocer, unha hora e sen que chegue a ferver. Despois sácase da auga e déixase atemperar ou enfriar,...

  Receita croata de mexillóns en salsa. É unha das múltiples variantes que vin en varios vídeos. Algunha outra dixéronme que só levaba aceite, allo, perexil e pan relado... supoño que tamén viño. Pero en internet vin máis de media ducia de variacións, así que non sei se isto é "correcto". Tampouco me preocupa. INGREDIENTES 1 Kg de mexillóns Un tomate maduro, relado. Unha ceboleta, relada Allo: eu usei como medio chupito de allo picado que teño en aceite Perexil. Seco porque non tiña do fresco, unha lástima. Un vaso de viño branco     TEMPO  20 minutos escasos. PROCESO Empezamos por limpar os mexillóns e cocelos. Eu non collo un coitelo para rascar as cascas e deixalas limpísimas, paréceme unha bobada. Están limpos, pois xa. Menos estéticos? Que ben. Para cocelos eu puxen un dedo de viño branco no fondo da pota, e cocín ata que estiveron abertos. Logo escurrinos (gardei a auga e conxeleina, que para un arroz vai bárbara). Para a salsa: empezamos porpoñer un pouco de a...