Licor de amorodos

Ou de fresas. Ou de como centella lles queirades chamar.

Xa sei que esto non é unha receta de comida, máis ben é de alquimia, pero se sae ben quero recordar como o fixen.

INGREDIENTES

• 1 Kg de amorodos
• Augardente (1,5 l aprox.)
• Auga (1/2 l aprox)
• Azucre (1/2 Kg escaso)

Xa sei que as medidas van aproximadas, pero non atopei a balanza :)

TEMPO

Un cuarto de hora escaso para facelo. Macerando debe estar... xa irei dicindo.

PROCESO 

Lavamos os amorodos, despois sacámoslles o verde e cortámolas en cachos. Eu cortei en 2 os pequenos e en 3 ou 4 os grandes.

Facer unha especie de almíbar. Non ten que cocerse, só diluirse o azucre. Medio litro de auga e medio kilo (escaso) de azúcar e poñemos ó lume. Como se ve na foto, o azucre blanco vese perfectamente no fondo da pota.

Despois de quentalo algo, e revolver (non lle din tempo a ferver, quedou pouco máis que templada) xa se ve que o azucre está diluido. Apagamos o lume.

Metemos as fresas, digo os amorodos, nun tarro de cristal.

Cubrimos con raspa, digo augardente. Non  medín, pero polo que falta da botella de 3 litros debín botar cerca de litro e medio.

Botamos o almíbar encima, e movemos algo o bote para mezclar.

Despois de media hora xa collera algo de color. A ver dentro dunhas horas.

Pois pasadas 8 horas, xa colleu algo máis de color, si :)