Trasteando con potas

Din que "cuando el grajo vuela bajo, hace un frío del carajo y hay que comer sopas de ajo". Pois iso. Foi un experimento, era a primeira vez que as facía, e serán mellorables, pero a idea é esta. INGREDIENTES Allo. Por suposto ☺. Eu debín usar media cabeza. Pan duro de varios días Tacos de xamón Pementón (doce ou picante ou mestura) 2 ovos Caldo ou auga Aceite TEMPO Media hora aproximadamente PROCESO Eu empecei por tostar algo o pan duro. Probablemente non fixera falta, pero púxeno uns 5 minutos no forno a tope (o meu da 275ºC). Picamos o allo e botámolo na pota cun pouco de aceite Deixamos que se doure un pouco. E engadimos os taquiños de xamón. No meu caso eran frebas máis ou menos grandes peladas do óso, non fan falta lonxas decentes. Ah, e encima o meu era lacón, non xamón. Desde que o allo estea xa dourado e o xamón/lacón algo pasado, engadimos o pan.  Engadimos o pementón. Dámoslle unhas voltas para que o pementón vaia por todo o pan.  Non esperamos moito, que o pementó...

Unha receta "normal"? A medias. Ó final é unha tortilla con cousas. Tiña na neveira un cacho dun brócoli e un allo porro que non quería que se perdesen, e tiña unhas patacas e un pouco de cebola codidos dunha comida anterior. E había ovos, así que ... tortilla! Aínda que xa che digo eu que para algúns amigos igual había que cambiar o brócoli por chourizo 😈. INGREDIENTES Os que teñas. Eu usei: Dúas patacas cocidas pequenas Media cebola pequena cocida Medio brócoli Un allo porro 5 ovos TEMPO 20 minutos aproximadamente. As patacas xa estaban cocidas! PROCESO Empecei por cortar e escaldar o brócoli durante 3 minutos desde que empezou a ferver (o brócoli da foto dos ingredientes xa estaba escaldado). Logo de picar todo o material, empecei por poñer na tixela, con pouco aceite, o allo porro. Despois de un par de minutos incorporei o brócoli. E despois dun minuto máis, a pataca e a cebola. Non lle botei nada de sal (ós ovos si). Salteei todo durante outros 2-3 minutos. Batín os ovo...

INGREDIENTES Para cocer Unha ala de raia Patacas  Cebola Sal Para a allada (parte deles non están na foto) Allos Aceite Pementón doce Unto (opcional) Guindilla (opcional) Vinagre (opcional) TEMPO: Uns 25 minutos PROCESO: Pelamos e picamos as patacas (eu fixen rodas) e a cebola e poñemos a cocer. Eu utilicei media ceboleta porque non tiña máis. De ter, usaría unha cebola grande ou 2 pequenas. Apuntamos cando empeza a ferver porque ós 12 minutos ou así hai que engadir a raia. Partimos a raia en catro cachos e imos preparando o tema para facer a allada. Podemos botarlle xa un pouco de sal á raia. Hai a quen lle gusta con pementa tamén, pero eu decidín non botarlla.     Botamos algo de aceite nunha tixela e poñemos o allo, a guindilla se nos gusta, e o unto.    Eu utilicei allo con guindilla que tiña nun bote, xa picado e macerando en aceite (e usei parte do aceite do bote).   Persoalmente, nunca usara antes unto nunha allada (nin o vira, pero revisando algunha...

Á palometa negra ( Brama brama ) tamén lle chaman castañeta, japuta, zapatero,  e algún outro nome máis. A foto que había dela na wikipedia era esta. Ten unha carne bastante compacta e algo seca, parecida á do bonito. Eu téñoa cociñada ó forno, á plancha, etc. e desta vez deume por probar o escabeche, e estaba boa. Ademais ten a ventaxa de que se pode comer ós días seguintes, que o escabeche era orixinalmente unha forma de conservar alimentos :) Aviso: é o "meu" escabeche, á miña maneira. Que hai tantas versións de escabeche como razas de cans. INGREDIENTES Unha palometa (eu non a usei toda) 4 dentes de allo  Unha guindilla (opcional, non está na foto) Unha cebola Pemento roxo Zanahoria 3 follas de loureiro secas 1 vaso de Aceite 1 vaso de viño blanco 1 vaso de vinagre Sal Pementa negra (15 ou 20 graus) TEMPO Para facelo, uns vinte minutos. Logo debe repousar outros vinte ou así polo menos. Tamén pode comerse ós días seguintes. PROCES...

A masa creo que se chama choux , e disque sirve para profiteroles (que normalmente se enchen con nata, crema pasteleira, chocolate, etc.), para buñuelos (sen nada ou con cousas saladas), e non sei para que máis. Eu decidín coller un pouco de carne cocida moi picada e ver que resultaba.  Resultou bastante ben. Non quedou un. INGREDIENTES Un vaso de auga (250 cc) 50 gramos de manteiga 125 gramos de fariña 50 gramos de carne picada (opcional) 4 ovos (pode variar dependendo do tamaño) Sal Aceite para fritir TEMPO Tempo total aproximado: 1 hora. Máis ou menos 20 minutos para facer a masa, e 40 para fritir todos os buñuelos. PROCESO Empezamos poñendo o vaso de auga cos 50 gramos de manteiga ó lume, ata que ferva. En algún vídeo aconsellagan non poñer lume moi forte para que ferva todo xunto e non se evapore a auga coa manteiga sen derretir (porque variaría a cantidade de auga que queda). Pode botarse xa unha pizca de sal (se é para profiteroles, tamén...