Sopa de pescado e marisco

 

Sopa de pescado e marisco. Todas as noiteboas fago unha parecida. Poden variar os ingredientes, porque esto consiste basicamente en ir cocendo cousas e metelas xuntas nunha pota, aproveitando a auga de cocelas, claro. Se en vez de usar cousas conxeladas ou de lata se usan as frescas, sabe mellor, claro ;)

Esta é a lista dos ingredientes que usei este ano. Para o ano que ven, ou para ano vello se a fago, quen sabe...

INGREDIENTES

• 1/2 Kg de berberechos
• 1/2 Kg de gambas peladas
• 8 barriñas de surimi ("palitos de cangrexo")
• 1/4 Kg de chipiróns
• 4 Cabezas de pescado (merluzas)
• 1 Kg de ósos de rape
• 1 "tronkito" de merluza
• 1/4 Kg de carne de mellixóns
• 1/4 Kg de carne de zamburiñas
• 1 sobre de crema de lubrigante (non atopei a de langosta)
• Un bote de salsa de tomate (400 g aprox.)
• 1 pocillo de tapioca
• Azafrán

TEMPO

Hora e media, máis ou menos

PROCESO

Se usas berberechos -chícaros, que se di na miña casa- con casca (recomendable porque a auga de cocelos ten moito sabor) é recomendable botalos nunha recipiente con auga e MOITO sal para que solten a area que lles poida quedar. Anque estean depurados, algo tenen. Eu usei medio Kg de berberechos e botei un bo puñado de sal. Esto podes facelo o día anterior, para que purguen máis.

O día de cociñar empezamos cunha pota (grande) baleira á que iremos engadindo cousas.

Cocemos os berberechos noutra tarteira, escascámolos e botamos a carne na pota grande. Colamos a auga de cocer na pota. Se tes un pano algo parecido a un cacho de sábana vella, podes mollala e poñela encima do colador para filtrar a auga. Parece mentira a cantidade de area fina e outras trangalladas que quedan aí. Se non o fas, non aproveites toda a auga, deixa os pousos no fondo e tira esa auga.

Engadimos as gambas peladas. Eu cómproas conxeladas e bótoas directamente na pota grande, sen cocer en ningún outro sitio. Como imos botar máis auga quente, ó final xa van cocendo, e non se espapallan de máis.

 

Seguimos co surimi e os chipiróns.

O surimi non ten moito que facer: picalo e botalo na pota.

Iso si: pícao ó largo e logo de forma transversal. Se non o picas ó largo, como o surimi vai envolto en espiral, quedarían unha especie de fideos largos e non é moi agradable, polo menos para min.

Pica os chipiróns en anillas finas (1 ou 2 milímetros de ancho, aproximadamente, como se ve aí na pota). Ponlle un pouco de auga (pouca) e ponos a cocer.

Cando leven uns 5 minutos ou pouco máis, e cando vexas que collen un color violáceo, xa podes retiralos e botalos na pota grande co resto.

Agora ven a parte máis engorrosa: a de cocer e desespiñar o peixe. Como se ve na pota, hai varias cabezas de merluza, un tronquito de merluza conxelado, e ósos de rape. Aquí podes utilizar o peixe que queiras. Eu teño normalmente cabezas de merluza porque ó longo do ano se compro merluza levo a cabeza e conxéloa. O tronquito engadino porque se me facía pouco só coas cabezas. Tamén da moito sabor a cabeza de congrio, e calquera peixe de roca (escachos, cabrachos, etc.), pero estes son máis complicados de desespiñar, e igual van espiñas para a sopa. Ollo se hai xente menuda!

Cubre  o peixe, e un pouco máis, con auga, e coce durante uns 20 minutos.

Así foi quedando tras (no  meu caso) algo máis duns 20 minutos de cocción. Ó meterlle o tronquito conxelado tarda algo máis, claro :)

 

A continuación toca escauñar. Se tes axuda acabas antes (gracias, prima!). E se non queres queimarte, deixa que temple algo antes de empezar.

Esto foi o que sacamos. Hai xente que coce as cabezas, colle o caldo de peixe (o famoso fumet) e tira as cabezas. Ti mesmo. Mira a fontada de carne que había entre cabezas, o tronquito e os ósos de rape!

Engade a carne á pota grande. Cola a auga tamén na pota. Podes volver a usar o pano para filtrar, pero aquí xa non é tan importante.

A continuación imos coa carne de mexillóns e de zamburiñas. Evidentemente, se tes ese marisco (ou outro) en fresco, conseguirás moito máis sabor. Eu usei o conxelado porque esquecín comprar os mexillóns frescos, e tiña esto de reserva.

En 10 minutos ou así están cocidos (non fai falta que estean de todo, van ir para a pota grande onde hai auga quente).

Eu collín a metade máis ou menos e piqueinos, para que axuden a engordar o caldo. O resto foi enteiro.

Para acabar de dar máis sabor e engordar o caldo, eu boto varias cousas: un bote de salsa de tomate enteiro (para estas cantidades, era un brick de 395 g), tapioca (un pocillo) e un sobre de crema de langosta se a atopo. Non a atopei, xa non sei se a farán con ese nome. Comprei unha "crema de bogavante" que non é nin por asomo igual de boa, pero é o que hai.

A tapioca e a salsa de tomate bótaos directamente na pota grande. A crema de langosta, ou lubrigante, ou o que sexa, hai que cocela algo aparte. Sigue as instrucións do sobre. Eu esta boteina en auga templada (outras veces que a metera en auga quente facía grumos e tiven que usar a batidora). Utilizar varillas para revolver tamén axuda bastante. Despois de que coza un par de minutos, bótao na pota grande.

Tamén se pode facer outra cousa en vez de usar a crema de sobre: Se tes gambas crudas enteiras (en vez das peladas), ou se as tiveche durante o ano e separache e conxelache as cabezas sen cociñar, podes botalas nun pouco de aceite, pochalas un pouco, engadir unha pouca de auga, e triturar coa batidora. Logo colas o líquido, e da moito sabor. Iso si: aí vai unha ración extra de ácido úrico.

Para rematar, colle a pota grande con todo e pona ó lume. Bota un sobre de azafrán, proba de sal e engade se fai falta máis, e deixa que coza todo xunto revolvendo de vez en cando, para que acaben de mezclarse todos os sabores.

Só queda comela! Bueno, eu fíxena a tarde anterio, pero para estas sopas o requentalas é unha ventaxa, non un inconveniente.

Ah, a que quedan ben as fotos da cunca branca sobre o negro da cociña de leña de miña mai? ;)