Hummus ou puré de garavanzo. Receta moi común no oriente medio (Marrocos, Líbano, Siria, Israel, Palestina ...), que leva outros ingrediente fundamentais: o tahini (ou tahine, ou tahina), que é unha salsa de sésamo tostado, e o zume de limón.
Aparte de que sabe ben, a min sorprendeume moito a "potencia" que ten. Eu son de comer carne ou peixe en todas as comidas, pero desta vez valeume coa proteína dos garavanzos. De feito, o que se ve na foto non o acabei...
Pode facerse máis ou menos caseiro. Por exemplo, podemos coller os garavanzos secos, poñelos a remollo e cocelos, ou comprar botes de garavanzos cocidos. Eu cheguei á conclusión de que os de bote non me gustan. Sacaranme dun apuro, pero prefiro os naturais.
Tamén se pode facer a salsa tahine: tostar sésamo, moelo e engadirlle algo de auga e aceite para que sexa máis pastoso (tamén vin algún vídeo no que quedaba máis ben apelmazado). Como para moelo ben hai que poñer un montón de sésamo, que non é precisamente barato, e como tamén tiven algunha mala experiencia moéndoo, pois optei pola salsa tahine comprada. Máis ben regalada, gracias afillada ;-)
INGREDIENTES
- Garavanzos (400 g)
- 4 culleradas sopeiras de Tahini
- Medio vaso de auga
- Zumo de medio limón
- 2 dentes de allo
- Sal
- Cominos (1/2 cullerada de postre)
- Opcional:
- outras especias (Ras el hanout, Harissa, etc.)
- Pimentón doce
- 2 culleradas sopeiras de aceite de oliva
- Verduras ou pan para untar logo o hummus.
TEMPO
10-15 minutos montar o plato se xa están os garavanzos cocidos.
Se se cocen: 12 horas a remollo + 40 min aprox. de cocer, e esperar que enfríen.
PROCESO
Eu recomendo facer o hummus con garavanzos naturais e non de bote.
Normalmente eu poño a remollos todo o paquete de garavanzos unhas 12 horas, uso os que sexa e conxelo o resto, que podo botalo a cocer directamente desde o conxelador. Os que usei esta vez eran dos conxelados. Cocinos unha media hora ou 40 minutos, e deixeinos enfriar.
Logo escurrinos, e metín no vaso triturador os garavanzos, uns 2 dentes de allo, a culleradiña de sal, comino e Ras el Hanout, o zume do limón (este non da moito zume, se é bo bastaría medio), o vaso (escaso) de auga, un bo chorro de aceite de oliva (a metade da botelliña da foto) e 4 culleradas sopeiras da salsa tahini.
Triturei todo ata que quedara cremoso. O outro día fíxeno co vaso batidor en vez de na trituradora e gustoume máis a textura, máis pastosa. Pero o sabor é bo igualmente.
Para comelo, cortei unhas verduras crudas (zenoria e pemento colorado) e escaldadas (espárragos verdes, escaldeinos 3 minutos) e unha rebada de pan, e montei o plato co hummus no medio, adornado cun pouco de pementón doce, albahaca e uns garavanzos que gardei.
Tamén fixen unha pequena ensalada para acompañar... e estaba todo moi bo!
Comentarios
Publicar un comentario