Calabacíns recheos picantes

Receta particular de calabacíns recheos. O recheo podía ser de calquera cousa, eu fíxeno de carne.

A cantidade dos ingredientes que poño aquí para o recheo son moitísimos máis que os que usei para encher os 3 cachos de calabacín que usei, porque quería ter recheo de máis para outras cousas (empanada, ou xa veremos), pero poño a cantidade para manter as proporcións e para que coincida algo coas fotos.

Os calabacíns non deben ser demasiado grandes, porque se non a pel pode estar demasiado dura, e a idea é comer logo todo.

Como a min me gusta o picante, e tiña unha lata de chiles jalapeños aberta, pois botei algún polo medio (algúnha roda de chile e algún cacho de zanahoria que viña na lata, que case pica máis que os chiles porque absorveu).

INGREDIENTES

• Calabacíns (eu usei un e medio, non moi grandes)
• Carne picada (250g), vale de cocho, xato, pito, mezclada...
• 1 cebola mediana
• 2 dentes de allo
• 3 champiñóns
• Queixo relado 
• Jalapeños (se queres que piquen)
• Sal e pementa negra

TEMPO

Unha hora máis ou menos.

PROCESO

Podemos empezar picando todas as verduras para o recheo.

Logo, cortamos os calabacíns en "tubos" duns 4 dedos de alto de alto. Serán uns 8 cm. Baleirámolos. Eu usei unha chuller de postre, a que se ve na foto. Faise relativamente fácil (eu fixen só 3 tubos, se son moitos ... leva algo de traballo). A carne do calabacín picámola menuda tamén, porque irá polo medio do recheo.

Xa sei que para fritir o recheo o normal sería botar as cousas por separado, primeiro quizás a carne para que se doure (coa humidade das verduras frite-coce), logo sacar, logo meter as verduras por fases... Vale. Non me apeteceu. Mezclei todo o boteino na tixela todo xunto: allo, cebola, chiles, charne e champiñóns. A carne do calabacín  non a botei porque é moi blanda e moi húmeda.

Cando o recheo estaba case feito, engadín a carne do calabacín e deixei un par de minutos máis ó lume.

 

Logo saqueino a unha ensaladera para que atemperara.

Fase de recheo. Eu non fixen nada cos calabacíns antes. Quero dicir: hai quen os escalda, e hai quen os mete no forno para precocelos algo. Como eran pequenos e de pel delgada, e a min me gusta a comida "al dente", pois enchinos de crudos.

Enchín como un 80% da altura e o resto foi para poñer o queixo relado. Na foto vese un con queixo e o outro coa altura que lle dín antes de botar o queixo.

 

Usei unha fonte de forno onde puxen un pouquiño de aceite (media cullerada) no fondo, e puxen os "tubos" de calabacín recheos. Como dicía ó principio, fixen moito máis recheo do necesario, que xa usarei para outra cousa.

Tívenos algo menos de media hora a 200 ºC, pero penso que a temperatura era excesiva. Tendo en conta que o recheo estaba feito e o calabacín crudo, probablemente unhos 180 fosen mellor, pero foi así. Logo baixeino a 100ºC uns 5 minutos, logo apaguei o forno, abrín algo a porta e deixeino un cuarto de hora máis dentro.

E finalmente quedaron así na fonte cando os saquei.

E xa que hai que emplatar, pois foto finish ó canto.

 

E cortando un deles, pois así estaban por dentro.

Estaban bos, pero estaban raros de aspecto. Normalmente os que teño probado por aí teñen o recheo máis húmedo e mezclado co queixo. Igual puiden botar algo de queixo polo medio. Ou menos temperatura e igual derretía o queixo e baixaba (claro que apretei a carne, entón non creo). Ou poñer nata ou mariconadas desas, pero non son eu fan da nata. Así que este foi o resultado final. Raros de aspecto, pero bos de sabor. Repetirei, probablemente.