Merluza á plancha con cuscús de verduras

 

Un menú rápido, fresco e lixeiro. Vale, o de lixeiro depende do toro de merluza que uses. 

Púxenlle a etiqueta de "estranxeiro" e de "árabe" polo cuscús, o que é o plato en si é bastante nacional.

INGREDIENTES

• Un toro de merluza
• Cuscús precocido
• Allo
• Xenxibre (un cacho pequeno, na foto á esquerda da merluza)
• Puerro
• 1 champiñón (portobello no meu caso)
• Medio pimento verde
• Unha zenoria
• Cilantro
• Un par de cachos da parte verde dunha ceboleta
• Sal e aceite
• Tomate (opcional) para acompañar.

TEMPO

Unha media hora.

PROCESO 

Empezamos polo cuscús de verduras.

A min gústame ás veces facelo coas verduras picadas finas e todo crudo (entón boto un pouco de manteiga ó mezclar co cuscús) e ás veces pochando a verdura. Depende das verduras.

Desta volta, vai a medias. O da parte de arriba da foto seguinte, que é o verde da ceboleta, o cilantro e a metade da cenoria, deixeino crudo para mezcla.

 

O da parte de abaixo da foto, que é o allo, xenxibre, pimento, champiñón e media zenoria, pocheino nun cazo cun pouco de aceite de oliva, e un pouco de sal. 

Para o cuscús en sí, o precocido que se atopa nos supermercados é moi cómodo. Botas como un vaso de cuscús nunha ensaladera (non collas unha moi pequena, que aumenta o doble ou así).

 

Bótaslle un vaso ou así de auga quente. Mira no paquete as indicacións. O que comprei eu dicía de botar o 120% de auga, así que foi un vaso e un chisquiño máis. Tapa a ensaladera cun trapo para que repose. Eu antes facíao hermético con film transparente, pero desta fíxeno cun trapo limpo, e vale igual, así que xa non gasto máis film nesto. En 3 ou 4 minutos terá o aspecto das fotos seguintes.

Engádelle as verduras, tanto as pochadas como as crudas, e revolve.

Queda tal que así.

Se che vale con iso, xa podes comer. Eu metín tamén a merluza porque o cuscús só non mantén moito :)

Para a merluza: á plancha (bueno, como se ve na foto non foi exactamente á plancha porque algo de aceite levaba).

Unha vez frita, a comer. Como a min me parecía algo "demasiado seco", collín un tomate pera e aliñeino tipo ensalada, para completar.

Este foi o resultado final. Penso que o vou repetir, si...