Un xeito distinto, cómodo, e bastante rápido de cociñar unhas sardiñas, co engadido de que o podes facer no interior dunha casa ou dun piso porque non queda todo con olor a sardiña como cando o frites ou asas. Quedan ben, bastante xugosas incluso. Iso si, se tes unha brasa fóra eu prefíroas á brasa :)
INGREDIENTES
- Sardiñas
- Verduras: puerro ou ceboleta ou cebola...
- Herbas aromáticas
- Sal
- Aceite
TEMPO
Uns 20 minutosPROCESO
Collemos un cacho grande de papel de aluminio para facer o papillotte. Hai outras formas e outros mecanismos (desde aparejos de silicona a usar papeis de forno), pero para min o aluminio é o máis cómodo. A idea do papillotte é cerrar a comida hermeticamente dentro, para facer un "forno dentro dun forno".
Collemos as sardiñas limpas (persoalmente eu limpoas por fora pero nunca as abro nin lles saco a tripa, iso cada quen que aparte as que lle toquen). Poñemos unhas poucas verduras por encima (creo que neste caso só puxen puerro), un pouco de sal, algunha herba aromática (romero por exemplo), e unha gota de aceite. Pouco aceite, como unha cullerada do café ou así.
Doblamos facendo unha especie de sobre, e imos doblando ben os bordes (envolvendo unha ou 2 veces) para crear ese cerre hermético. Metémolo no forno (se está prequentado mellor) a uns 190ºC.
Cando o sobre está completamente hinchado, como na foto, iso indica que as sardiñas xa están cociñadas. No meu forno creo que tardou algo así como 20 minutos partindo de apagado.
E xa está. Lévalo ó plato, e ábrelo. Con xeitiño! que dentro hai vapor e sae con mala idea. Non vaias queimarte.
Como ves, queda medio xugoso, cunha capiña de líquido (xugos e grasas das sardiñas e as verdursa, máis o pouco aceite inicial). Se queres engadir algo de guarnición, pois faino. Miña mai dirá que unhas patacas cocidas veñen ben, claro...
Comentarios
Publicar un comentario