Lentellas fáciles

Cando ía empezar a carreira sabía menos de cociñar que os nosos políticos de ética... así que miña irmá deume unhas leccións rápidas. Como as lentellas sempre me gustaron moito, pois deume un método que se resume en "coce todo xunto, fai un rustrido, e a comer". E salen macanudas.

INGREDIENTES

Aquí hai variacións. Estes ingredientes foi os que usei o outro día, pero podes probar con variación de carnes e/ou verduras.

• 1 Kg de lentellas (ou lentejas, joder que mal sona o da elle)
• 1/2 cebola
• 1 cenoria
• un pouco de calabaza
• 1 pataca
• 1 chourizo e medio
• Un pouco de lacón curado
• 3 follas de loureiro
• 2 dentes de allo
• 1 cullerada de pimentón dulce
• Sal, auga, aceite, vinagre opcional.

TEMPO

Unha hora

PROCESO

Con estes ingredientes sae unha pota para 10 máis ou menos. Reduce se non sodes tantos ou non queres comer lentellas toda a semana ;)

Empezamos por picar toda a carne e a verdura. Bueno, o loureiro non o piques. E as lentellas tampouco, jeje. Os allos resérvaos para máis adiante. E a pataca podes "cascala" (empeza a cortar e logo separa o cacho, que faga "crack", así por onde rompe solta máis fécula e engorda o prebe).

Mira que foto máis organizada me quedou.

Botamos todo o picado nunha pota, engadimos as lentellas e auga. Según miña sobriña, o triple de auga que de lentellas 5 tazas de auga por cada unha de lentellas (corrixiume, entendéraa mal :)). Eu normalmente boto algo máis (gústanme líquidas), aquí botei 1 Kg de lentellas e casi 4 litros de auga (esto acércase máis á proporción corrixida...) .

Pono ó lume e tapa (ou semitapa). Debe cocer a lume lento, durante aproximadamente 45 minutos. Que faga "chup, chup" está ben, que ferva a borbotóns está mal, non espesa nin colle tan bo gusto.

Proba de sal, e engade se fai falta. Como levan chourizo e lacón igual fai falta pouco, pero como tamén levan calabaza que endulza algo os guisos, pois igual si que fai falta... o dito, hai que probar.

Colle os allos que tiñas reservados para facer o rustrido. Lamínaos, e ponos a dourar nunha tixela. Cando estean dourados ponlles o pimentón, e revolve. Todo dios di que hai que sacar o pimentón do lume que senón quéimase, e non sei que máis, pero a min gústame que colla un color marronuzco, así que non o saco. E cando está (como lle vin hai anos facer a unha amiga) bótolle un chorro de vinagre. Chisperrea que non che digo :)

Bota o rustrido na pota. Deixa que coza 5 minutos máis, revolvendo de vez en cando. Bueno, realmente eu o rustrido boteillo cando levaba media hora cocendo e despois tíveno 15 minutos máis.

E xa está. Sirve, e come. Se o fas de hoxe para mañá estarán incluso mellor, pero ten coidado cando as quentes. É extremadamente fácil que se queimen. Quenta revolvendo bastante a miúdo.

E esta foi a cazoliña que botei para min.