Saltar ao contido principal

Curry tailandés de peixe con cuscús

 

O plato é medio estranxeiro raro, porque o curry é tailandés, pero o cuscús é máis ben moruno, e o peixe era galego. Pero a mestura con queda mal.

INGREDIENTES

  • Peixe. Eu usei 1 toro de corvina e 2 de pescada.
  • Caldo ou auga. Eu usei auga de cocer chícaros (berberechos).
  • Pasta de curry tailandés. 
  • Unha ceboleta
  • Allo. Eu usei algo de allo mesturado con guindilla en aceite que fixera eu.
  • Cuscús precocido.
  • Sal e aceite (que non saen na foto).


 

TEMPO

Uns 25 minutos (os que pasaron entre a primeira e a última foto)

PROCESO

Empezamos por poñer a tixela ó lume cun pouco de aceite e o allo coa guindilla.
Mentras quence, poñemos o cuscús nun bol e picamos a ceboleta en xuliana.

Cando o allo doure un pouco, botamos a ceboleta e un pouco de sal para que vaia suando. Poñemos a lume medio para que non se queime.

Fervemos auga (máis ou menos o mesmo volume que de cuscús), botámolo no cuscús e tapamos cun papel film. Hai xente que lle bota manteiga, ou aceite, ou pocha unhas verduras (cebola, pemento etc.) para mesturar co curry, pero como eu vou ter salsa, simplemente o hidratei. NON lle botei sal.

Cando ceboleta estea medio blanda, engadimos o curry. Na foto vese a cantidade que botei, algo así como unha cullerada sopeira.

Seguindo a lume medio, imos revolvendo no curry e aplastando contra o fondo para ir desfacendo o pegote. Veremos que o propio curry vai soltando tamén o seu aceite.

Despois duns minutos (2 ou 3) movendo, botamos o líquido. No meu caso era a auga de cocer os chícaros ou berberechos, pero serviría tamén auga. Moitas veces o curry tailandés fano con leite de coco, pero eu cheguei á conclusión de que o fai demasiado pastoso e demasiado doce, así que prefiro non usalo.

E finalmente engadimos o peixe (saleino un pouco antes).

A lume medio, ou alto (depende do líquido que botes e de se queres que a salsa quede máis ou menos líquida) cociñamos o peixe. Dámoslle a volta de vez en cando (ou unha vez soa se prefires). Eu cociñeino aproximadamente 15 minutos.

E xa está. Destapamos o curry, revolvemos un pouco para desapelmazar e botámolo no prato. Logo poñemos o peixe e salseamos. Non estaba mal de todo, non 😋



 

 


Etiquetas:

Comentarios

Publicar un comentario

Publicacións populares deste blog

Queixo crema para untar

 Isto, máis que unha receta, é crear un ingrediente, pero como tamén vale para untar e comer só, pois aí vai.  INGREDIENTES 1 litro de leite enteiro. Non iba poñer publicidade, pero é leite galego, así que ó carallo. 1 limón (o seu zume) sal TEMPO Unha media hora. Logo ten que repousar varias horas na nevera. PROCESO Poñemos o leite nunha pota ó lume. Cando estea cerca de ferver, engadimos o zume do limón e deixamos a lume medio.  Podemos revolver e ver como vai callando. Despois de 5 minutos apagamos. Deixamos repousar media hora ou así.  Este era o aspecto que tiña cando apaguei o lume. Logo colamos poñendo un trapo. En teoría sería un colador e unha estameña, pero non tiña, así que usei un cesto da freidora e un trapo que humedecín. Apretamos o trapo para escurrir o soro. Quedou así. Este foi o resultado, para que se vexa canto soro hai e que pouca cantidade de queixo. Botamos no vaso da batidora, engadimos sal ó gusto, e empezamos a batir. Para que quede máis cre...
1 comentario
Ler máis

Falafel

O faláfel (ou falafel, non o teño claro) é unha receta de oriente próximo ou oriente medio. Polo Líbano, por exemplo, ten bastante fama. INGREDIENTES Garavanzos (uns 350 g na foto) Perexil Cilantro Eneldo Allo (2 dentes aprox) Media ceboleta grande Especias (unha cullerada de café ou así de cada: Sal, pemento doce, pementa negra, cominos. Supostamente tamén levaría un par de clavos pero non os atopei na casa. Fariña (eu usei fariña de garavanzo, e esquecin poñela na foto)  TEMPO  Ademáis do tempo de ter os garavanzos en remollo (unhas 12 horas), o tempo de facelo será media hora, máis fritir. PROCESO O dia anterior hai que poñer os garavanzos a remollo. Logo úsanse crudos.   Poñemos o verde (a parte máis gorda tos tocos do perexil e cilantro non a usei) xunto co allo e a cebola cortada en cachos na picadora, e picámolos. Fago isto antes de poñer os garavanzos porque noutra proba con todo xunto non picaba ben. Despois poñemos os garavanzos, e picamos. Quizás eran demasia...
Publicar un comentario
Ler máis

Lombo curado

Unha de charcutería. Igual me gusta máis do que debería, pero o que non me gusta habitualmente é o prezo do fiambre bo, e o lomo está habitualmente caro (e o solomillo máis, así que haberá que probar esta receta con solomillo tamén). E o non saber que lle botan, claro. INGREDIENTES Lombo de cocho. No meu caso, 1 Kg Sal gorda. Non pesei, pero sería 1 Kg tamén. Especias: pementón de la Vera, allo en polvo e pementa negra en polvo. 1 cullerada sopeira de cada. Xa sei que na foto saen "5 pimientas", pero ó final botei da negra. TEMPO Ata que quede currado, uns 21 días. Traballo a facer: 2 ou 3 minutos o primeiro día, 10 o segundo, e darlle a volta cada día levará 2 segundos. PROCESO Colle unha fiambreira algo máis grande que o lombo, pero non demasiado. Pon  un par de cm de sal no fondo, pon encima o lombo, e tapa con sal, asegurándote de que toda a carne queda cuberta. Méteo na nevera para que pase un día. Por certo, eu non saquei nada da graxa que tiña o lombo.Todo máis, se can...
1 comentario
Ler máis