Paratha (pan plano hindú) con masa líquida

Hai moitos pans planos no mundo. Flatbread, que lle chaman os ingleses. Quizás o hindú máis conocido sexa o pan naan, pero a min deume por probar a facer este, o paratha. Non vin nos dicionarios da RAE ou a RAG ningunha palabra válida, aínda que nalgunha wiki vin "parata".

De calquera maneira: é un pan plano que non utiliza ningún tipo de levadura e se fai na tixela. Hai moitas variedades, incluíndo cousas como patacas na masa, e variedades onde amasas e estiras, ou a que eu fixen, un amoado líquido, denso, parecido ó da filloa, pero non leva ovos. E para non facelo "plano" de todo, engadín algunha cousiña polo medio.

Vale para acompañar, ou para comer só. Tén unha textura algo gomosa.

INGREDIENTES

Unha taza de fariña (eu usei fariña de forza)
Unha cullerada de postre de sal
Unha cullerada de postre de orégano
Unha cullerada de postre escasa de zucre moreno
Unha cullerada de postre abundante 😊 de allo (eu tíñao picado e metido en aceite)
Media guindilla colorada fresca en rodas finas (picor medio, diría eu)
Unha cullerada sopeira ou así de cilantro fresco
Un allete fresco en rodas finas

TEMPO

Uns 50 minutos en total. Sen présa, e para facer os 6 pans, que foi para o que me deu a masaa.

PROCESO

Empezamos por mesturar todos os ingredientes secos cunhas varillas.

Temos que engadir unha taza de auga (temperatura ambiente), ou algo máis ou menos, dependerá do espeso que queiramos o amoado. Máis líquido fai que se extenda máis na tixela, e quede máis fino (tipo filloa), máis espeso que quede algo máis gordo (tipo pancakes). Eu usei unha taza e quedou máis cerca dos pancakes que das filloas.

Empezamos engadindo media taza e batemos coas varillas.

Logo seguimos batendo ben, e engadimos o resto da auga. Ó final a textura que me quedou a min é a que máis ou menos se ve na foto.

E agora hai que fritir o pan. Eu botei unha pinga de aceite (a da foto) e repartín polo fondo da tixela. Pode botarse máis, pero prefiro que non quede tan engrasado. E hai que engrasar algo para cada pan. Sen nada de aceite queda mal, non me gustou o aspecto.

Cando a tixela teña algo de calor (lume medio, 7 de 10 na miña vitro) collemos un garfelo e botamos a masa, estendéndoa algo.

Cando estea pasada por un lado (seguinte foto, 2 ou 3 minutos despois) dámoslle a volta.

E logo podemos darlle un par de voltas máis. Supostamente, dándolle uns golpiños á masa na beira cunha espátula (a que usaba para viralas) créanse burbullas, a masa infla como un globo e cando se vira, ou cando se saca para o plato, volve a aplanarse. Eu nunca consigo esas burbullas nin que infle.