Sriracha

 

A Sriracha é unha salsa picante tailandesa. Orixinouse no pobo Si Racha, de aí o nome. Se entendedes inglés (ou usades subtítulos) o vídeo no que me basei eu foi este: https://www.youtube.com/watch?v=y9SFsCfxJy0.

É unha salsa interesante porque, aparte de picar (a min gústame o picante) tamén ten sabor "propio".  Non é só picor.

Hai algún detalle sobre a salsa que creo que é interesante. Primeiro, que os pementos picantes deben ser vermellos (eu probei variantes, pero a Sriracha típica é vermella) e carnosos (para cando se cole quede algo espeso e non totalmente líquido). Segundo, que parece que leva moito azúcar. Realmente con tanto vinagre faille falta.

INGREDIENTES

• 250 gramos de pementos picantes vermellos (chámalle guindilla, ají, chile...) que sexan carnosos. Eu usei uns de orixe español que atopei en Alcampo.
• 1 cabeza de allos grande
• Vinagre (eu prefiro o de arroz para esta receta)
• 1 cullerada de postre de sal
• 2 chulleradas sopeiras rasas de azúcar (realmente eu usei 4 sobres individuais)

Detalle dunha das guindillas, para que se vexa que si que son algo carnosas.

 

TEMPO

Unha media hora.

PROCESO

Pelamos e picamos os allos. Eu saquei o nervio central das allicas máis gordas.

Picamos as guindillas. Hai quen lle saca agora a semente, pero eu (seguindo o vídeo, que me convenceu) non o fixen. Como vai ir pasada a través dun colador, xa non van ir de todas formas.

 

Poñemos nunha pota e cubrimos con vinagre. 

 

 

Poñemos a lume medio, de forma que vaia cocendo pero estilo "chup chup", non fervendo. Non sei se me explico.

 

O tempo é ó redor de 15 minutos. comproba cando poidas cortar ou aplastar un allo cunha culler, ese será o momento de sacalo do lume.

Logo hai que batir. Pode ser unha batidora manual ou unha de vaso, que foi a que usei eu. OLLO: Se usas unha batidora de vaso, asegúrate de que vai aguantar a calor da salsa. A miña que sae na foto está xa probada e aguanta, pero xa teño reventado un par ou 3 delas que non soportan calor. Se ese é o caso, ou colle unha batidora normal ou deixa atemperar algo o material.

 

 

Eu deixei batindo ó mínimo un ou dous minutos, e xa quedou bastante ben.

 

  

Unha vez batido pasámolo de novo á pota (asegúrate de lavala se quedaron semillas) a través dun colador, usando unha espátula ou culler para ir baixándoa.

 

 

As seguintes 3 fotos son para ver como iba colando o material e siguen quedando as sementes. Que non vaian na salsa sirve para 2 cousas: para que quede máis fina (hai a quen molestarían) e para rebaixar algo o picor da salsa.

 

 

 

 

 

Para finalizar, aderezamos a salsa cunha cullerada de postre de sal e os 4 sobres (unhas 2 culleradas sopeiras) de azúcar.

 

 

 

Volvemos a poñer a lume medio outros 5 minutos para que se dilúan o sal e o azúcar.

 

E logo podemos gardalo en botes. Eu esperaría a que enfriara antes de utilizala, pero tamén se pode usar directamente. Por certo, non sei se foi impresión miña ou foi real, pero eu diría que ó día seguinte a salsa picaba máis que o día que a fixen.