Boqueróns, ou bocartes, ou como lle queiras chamar. Bichos do mar que despois de ser curados en salmoira lles chamamos anchoas. Tíñaos amañados en escabeche (versión "ó meu xeito" do escabeche) pero así están mellor. Fíxenas seguindo varias recetas que atopei en internet, e que non coincidían entre si, pero quedaron boas.
INGREDIENTES
- 1/2 Kg. de boquerón fresco.
- Sal, aceite, vinagre, allo e perexil.
TEMPO
O tempo pode varíar bastante no que se tarden en limpar, e o que a xente di que os deixa en vinagre. De todas formas, como é para consumir mellor ó día seguinte ou ós 2 días, digamos... media hora de traballo, unha de repouso, 5 máis de traballo, e espera ó día seguinte para probalo.
PROCESO
Primeiro hai que limpar os boqueróns. Non é complicado, pero é laborioso e leva tempo, porque en medio quilo hai moitos peixes.
Para limpalos, arráncaselle a cabeza e sae xa con algo de tripa. Logo, pasamos o dedo (os que teñades uña, a uña :)) pola panza ata a espiña, e pasándoo polos lados da espiña separámola da carne. Sale fácil. Se rompe o peixe, ou non se separa ben, mal asunto. Os boqueróns non están frescos.
Aquí tedes un detalliño de como queda. Hai quen lle deixa o rabo na punta, e hai quen o separa de todo en 2 lomos e saca unha pequena espiña que hai no lombo. Eu deixeinos como na foto uns, e outros separados os lomos. Cousas de ver a tele, tomar unha cerveza e limpar os boqueróns ó mesmo tempo.
Unha vez limpos de cabeza, tripa e espiña, hai que lavalos. Méteos nunha ensaladeira ou algo así con auga fría, revolve algo, tira a auga e repite o proceso. Mira nestas fotos como queda a auga coa basuriña que deixan.
Logo, escurre os boqueróns (podes usar un papel para secalos), e ponos nun recipiente. Bótalles algo de sal, e cubre con vinagre.
En canto ó vinagre, tamén hai variantes, en canto ós ingredientes e ó tempo. O que máis me axudou foi a idea de "cando estean blancos". Hai quen di que hai que telos en vinagre puro media hora. Hai quen di que 80% vinagre e 20% auga e telos 10 horas. Eu o que fixen foi poñelos en vinagre puro 1 hora (que foi cando vin que blanqueaban). Se che gusta que pique algo ó vinagre déixaos un pouco máis, porque estes quedaron suaves. Pero eso xa é idea de cada un.
Pasado o tempo (no meu caso 1 h), escúrrense e bótanse (dicen que coa piel pa abaixo) e cúbrense de aceite de oliva e allo, e perexil. Eu non tiña do natural e botei do de bote.
Despois métense na nevera un día ou así. Eu pa probalos esperei 12h ou así, e estaban bos. Suaves, con pouco toque de vinagre, pero bos.
E pa foto final, suxerencia de presentación con tostada e todo! :)
Comentarios
Publicar un comentario