Simit (Şimit), pan circular trenzado turco

Parece un bagel dos yankees, por aquelo de que parece unha rosca de pan, pero non é igual. Este é trenzado, leva un baño de algo doce e un montón de sésamo por enriba. En Estambul véndeno por todos lados (postos na rúa).

INGREDIENTES

Non sale na foto nin o sal nin o aceite,,,

• Fariña, 1/2 Kg. aprox.
• Levadura de panadería, 1 sobre
• Azucre, 1 cullerada sopeira
• Sal (ó gusto)
• Aceite, 2 culleradas
• Mel (ou azucre, ou melaza...), 1 cullerada sopeira
• Sésamo branco, 3 culleradas sopeiras

TEMPO

Unhas 2 horas contando coa espera de que levede a masa.

PROCESO

Poñemos a levadura e o azucre nunha taza de auga morna (uns 250 cc.). Mesturamos.

Poñemos a fariña nun bol, e engadimos unha culleradiña de sal (ou ó gusto) e revolvemos. Engadimos tamén as 2 culleradas de aceite. Eu usei de oliva.

Cando a levadura se activou, que se ve con burbullas na auga, botamos o líquido na masa e amasamos. É habitualmente unha masa pouco hidratada (coas cantidades que dou sería ó 50%) e polo tanto un pelín dura. Eu acabei non botando toda a auga coa levadura para que se vexa cun aspecto como o da foto.

Unha vez que está feita a masa, engrasamos algo o bol con aceite e poñemos algo por encima da bola de masa, para que non seque. Ponémoloa no bol, tapamos, e esperamos unha hora ou así a que levede (a temperatura ambiente).

Mentras esperamos que levede, tostamos o sésamo. A temperatura media (6 de 9 na miña placa) uns 15 minutos. Hai que revolver bastante frecuentemente e mirar que non se queime.

Temos que bañar os panes nunha mestura doce que pode ser melaza, azucre, mel... eu usei 2 culleradas sopeiras de mel e un vaso escaso de auga. Así quedou a mestura, e o sésamo xa tostado.

Agora empezamos a facer o pan. Collemos cachos (eu pesei e eran aproximadamente 100 ou 110 gramos) e estiramos. Que queden "churros" de polo menos 30 cm. Estes debían ter 40, non medín.

Xuntamos as puntas de 2 churros e apretamos, e logo vamos envolvendo para facer esa especie de trenza.

Finamente cerramos a circunferencia e apretamos para que non se desfaga. Arrolar algo encima do mesado axuda. Logo podemos tratar de estiralo algo para que quede unha rosca algo máis grande. Cando rematamos, sumerximos na mezcla de mel e auga, mollando por todos os lados.

E despois "empanamos" co sésamo tostado.

Mentras fixen as roscas aproveitei para prequentar o forno a 250 grados. Unha vez quente, para a fonte. Non leva nada de aceite nin outro tipo de grasa, pouseino directo na bandexa.

Tívenas no forno 15 minutos a 250ºC, e despois aproximadamente outros 15 a 190-200ºC (andaba subindo e baixando, pero creo que deixalo a 200 estaría ben, para que se coza por dentro o pan). Cando acabei, púxenos na grella para que enfriara.

E xa está. Un par de fotos-finish, esperar a que quedara algo morno e a probar. Estaba bastante bo, vale para repetir.

mbiente).