Arroz con calamares, setas e gambas

 

Vale, xa sei que máis que nome de receta é o resumen dos ingredientes, pero é o que hai :)

INGREDIENTES

• 1 vaso de arroz
• uns 150-200 g. de calamares (eu usei anillas)
• unha presada de gambas peladas
• setas (no meu caso na bandexa viña shitake, setas cardo e das setas normales cultivadas)
• 2 dentes de allo
• Auga ou caldo. O que usei eu foi auga de cocer mexillóns.
• Aceite
• Azafrán

 

TEMPO

Media hora máis ou menos

PROCESO

Poñemos un pouco de aceite nunha tixela e laminamos e douramos os allos. Vale outro recipiente, pero como era para min só, ben me chegaba.

Cando estean dourados, botamos as setas. Para todo o proceso o lume que estea vivo, para facer tipo salteado, non pochado (que non ablande tanto, vamos).

Dámoslles un par de minutos, e botamos os calamares. Eu piquei as anillas para que ó comer sexa máis cómodo.

 Logo botamos o arroz.

Revolve, e cando estean os graus transparentes, podes botar as gambas peladas. Non as botes antes, porque lles fai falta pouco tempo, e aínda falta a cocción do arroz.

Botamos a auga ou o caldo, e o azafrán.

O caldo que usei eu foi de cocer mexillóns. Cando cozo mexillóns bótoos na pota e poño medio vaso escaso de viño (meu pai dicía que mellor tinto), e nada de auga, que xa soltan bastante. Logo hai que colar a auga a través dunha tela, porque normalmente un colador non é bastante fino. E logo, ou usas a auga, ou como fixen eu conxeleina e utiliceina cando me veu ben.

Ollo se usas este tipo de caldos, que teñen moita potencia e sal. Eu non botei nada de sal en toda a receta, e ó final tiña un sabor potente-salado. Igual é boa idea probar o caldo e amecerlle un pouco de auga do grifo para suavizar.

O azafrán axuda tamén moito. Da color e sabor tamén. Eu últimamente utilizo azafrán en polvo en vez de en hebras, non sei se perdo calidade pero é cómodo.

A continuación, eu esperei que levantase unha fervedura e baixei o lume (usei o 3 e o 4 na miña vitrocerámica que ten o máximo de 6). Que coza 20 minutos aproximadamente. Na foto vese tal como estaba cando apaguei o lume. Apartei a tixela do lume, tapei cun trapo limpo, e deixeino 5 minutos reposando.

E este é o resultado xa no plato. Estaba bastante bo :)