Pastel de verduras con bonito

Esta receta adapteina deste vídeo de youtube: https://www.youtube.com/watch?v=Jg0NkX_HUaw. Tenen máis recetas simpáticas e parecen útiles.

Neste caso, o que se fai é unha especie de tortilla con ovos, fariña, leite, e outras cousas, e metelo no forno. É fácil e non se usa graxa, pero polo menos eu manchei un montón de cacharros :).

INGREDIENTES

• 5 ovos
• Fariña, uns 100 g.
• Leite, un vaso
• 1 lata de bonito
• 1 lata de guisantes
• Tomate (medio se é moi grande)
• Calabacín
• Cenoria
• Espárragos verdes
• Ceboleta
• Apio
• Sal e pementa negra

TEMPO

1 h aprox. Se prequentas o forno mentras preparas o tinglado, algo menos.

PROCESO

Primeiro: os ingredientes poden variar. De onde o collín eu non había guisantes, espárragos nin apio, pero había maíz dulce. Noutras podedes ver xudías verdes.

O que non leva, porque se vai mezclar todo en crudo e meter no forno, son patacas (igual quedan ben se van en cachos moi pequenos, pero por se acaso).

Empezamos polos ovos. Se son da casa saben mellor ;)

Batémolos ben

Agregamos a fariña. Eu non a pesei, pero deberían ser uns 20 g. por ovo. Eu botei tres cucharadas sopeiras das miñas, "a pico dereito".

Mezclamos (se tes varillas mellor) e mezclamos tamén o vaso de leite. En canto o teñas mezclado, aliña cun pouco de sal e pementa negra moída no momento.

Logo hai que picar a verdura. Os guisantes non, vaia. O tomate e os espárragos piqueinos co coitelo á man. O calabacín, cenoria, ceboleta e apio foi co accesorio rallador fino da batidora (o que me regalaron por Reis... estouno usando!). O bonito podes desmigalo coas maus ou co tenedor.

Tamén é un bo momento, antes de empezar a picar, para poñer o forno a prequentar a 180ºC.

Mezclamos todo ben.

Logo hai que preparar un molde, ou fonte, ou algo que poida ir ó forno. Eu collín unha fonte pyrex, e collín papel de forno. Botei unhas unhas gotas de aceite na fonte, e cubrín co papel. Así fixo que se aguantara o papel no fondo. Supoño que auga ó mellor vale igual, pero o aceite é algo máis pegajoso. En calquera caso, o aceite nunca tocou os ingredientes de comer, quedou entre a fonte e o papel.

Verquemos a mezcla na fonte.

Metemos a fonte no forno, e imos vendo como vai.

Eu non me acordei de poñer o forno a prequentar, así que o puxen a 180ºC, e despois de aprox. 35 minutos saqueino.

Acompañado dunha pouca de ensalada, estaba moi bo. E ó día seguinte seguía estando bo. Eso si, esquecín probalo de frío. Metino no microondas e a comer, pero supoño que de frío estará comestible como as tortillas...