Trasteando con potas

Hummus ou puré de garavanzo. Receta moi común no oriente medio (Marrocos, Líbano, Siria, Israel, Palestina ...), que leva outros ingrediente fundamentais: o tahini (ou tahine, ou tahina), que é unha salsa de sésamo tostado, e o zume de limón. Aparte de que sabe ben, a min sorprendeume moito a "potencia" que ten. Eu son de comer carne ou peixe en todas as comidas, pero desta vez valeume coa proteína dos garavanzos. De feito, o que se ve na foto non o acabei... Pode facerse máis ou menos caseiro. Por exemplo, podemos coller os garavanzos secos, poñelos a remollo e cocelos, ou comprar botes de garavanzos cocidos. Eu cheguei á conclusión de que os de bote non me gustan. Sacaranme dun apuro, pero prefiro os naturais. Tamén se pode facer a salsa tahine: tostar sésamo, moelo e engadirlle algo de auga e aceite para que sexa máis pastoso (tamén vin algún vídeo no que quedaba máis ben apelmazado). Como para moelo ben hai que poñer un montón de sésamo, que non é precis...

  Quiche ou tartaleta, salada neste caso. Parece que a orixinal, a quiche Lorraine, ten orixe en Francia, e é de bacon. Hai quen a fai comprando a masa quebrada (normalmente chámanlle tamén masa ou pasta "Brisa" ou "Brise"), pero a miña idea era facer toda a receta: a masa quebrada, e logo o quiche. Poden facerse variantes cambiando o bacon por outras cousas, metendo verduras por exemplo. Para o recheo tamén se usa normalmente nata de cociñar, pero eu utilicei leite evaporado. Xa de experimentar... Por certo, que o quiche pode comerse tanto quente como frío. É unha ventaxa interesante! INGREDIENTES Os ingredientes son para 4 ou 5 persoas, dependendo da fame e de se hai algo de guarnición.   Para a masa quebrada: 250 g de fariña 150 g de manteiga 1 ovo  unha pizca de sal Auga (opcional, un par de culleradas se queda seca; eu non a usei)     Para o recheo: 3 ovos 150 g de bacon 100 g de queixo relado 1/2 litro de leite evap...

Receta fácil e rápida se tes con que relar os calabacíns para facer os espaguetis. A min saírone máis ben uns medio macarróns, porque usei o accesorio de relar da batidora, pero tiven que cortar ó medio o calabacín e así non saen espaguetis algo longos. INGREDIENTES Gambas, uns 200 gr. Eu usei das conxeladas 2 dentes de allo Unha guindilla Orégano (igual podía omitirse, ou engadir outras especias Tamén usei (non sae na foto) unha pizca de pemento doce e un pouco de queixo relado. TEMPO Media hora máis ou menos PROCESO Relamos o calabacín e fileteamos o allo. Aquí hai varios métodos: co coitelo (levaría máis tempo, e ó mellor sae máis gordo), con accesorio relador (o que fixen eu, e como dixen ó non coller ben o calabacín tiven que cortalo ó medio lonxitudinalmente, e saíron cachos cortos), co pelador de patacas (sae máis ben fetuchini ☺) ou con accesorios especiais como un espiralizador, que parece un afilalápices onde metes o calabacín e saen espaguetis lar...

O tajine, ou tagine (pronunciado "tayín") é un recipiente para cociñar típico de Marruecos e zonas cercanas. Como pasa coa paella, ó final o nome do plato é o mesmo que o nome do cacharro, así que hai moitos "tajine de ...".  Este é de coello, ou conexo como dicimos na miña casa.  O tajine úsase para coccións lentas. Cando se tapa, a min dame a impresión que o resultado que produce é unha mezcla de forno normal e forno de vapor. A comida queda normalmente blanda, ben feita, pero mantense jugosa. INGREDIENTES Un coello Unha cebola 3 zanahorias un pimento 2 dentes de allo medio calabacín  unha pataca medio limón (non está na foto dos ingredientes) especias: Aquí hai un cento de variantes. Eu usei sal, jengibre en polvo, pimenta blanca, "Ras el hanout", semillas de mostaza(que tampouco están na foto)   TEMPO  2 horas ou máis PROCESO Troceamos o coello, que imos marinar nas especias. Logo, preparamos as especias. Aquí...

Unha maneira distinta de comer mexillóns, que non sexa con patacas fritas como os belgas, pero tampouco ó vapor (que están moi bos, pero fai falta un quintal deles para cenar algo). Ademais, "os meus amigos do brócoli" igual entran ó trapo ... ou non.  En fin, aquí queda, manchei potas de máis, pero creo que valeu a pena. INGREDIENTES Para unhas 4-6 racións, depende dos comensais. O pemento e a salsa de tomate son opcionais, pero quedan moi ben (foron ideas a posteriori, así que non van na foto) 2 Kg de mexillóns Un brócoli de 1/2 Kg ou así (a ollo) Un par de patacas 2 dentes de allo media cebola Pemento verde ou colorado 3 ou 4 cucharadas de salsa de tomate.     TEMPO  Uns 45 minutos aproximadamente. PROCESO Empezamos por pelar e picar as patacas, e picar o brócoli. Por certo, que o toco pelado tamén sirve, e ten un sabor máis suave que os "arbolitos". Cocémolos (en auga ou ó vapor, como se queira) pero de forma que quede...