Saltar ao contido principal

Sargo á espalda con puré de patacas


Esta receta é de miña prima... e o sargo que cociñei tamén era dela, que foi quen o pescou e mo regalou (un par deles, de feito). Gracias, prima!

 INGREDIENTES

Aparte do sal, aceite, e eso que sempre se usa...
  • Un sargo de ración
Para o puré:
  • 3 patacas
  • unha xema de ovo
  • Un cachiño de manteiga ou margarina
  • Leite (esqueceume poñelo na foto)

PREPARACIÓN


 Primeiro hai que abrir o sargo tipo libro, de forma que quede aberto pero preso pola parte da espalda. De aí o nome da receta. Xa vedes na foto que eu son algo chapuzas para estes menesteres.


Poñemos un pouco de aceite nunha tixela. Eu comprei a da foto no Ikea hai uns meses porque estaba de oferta, e é moi cómoda. Ademais fai tipo parrilla no fondo ó telo ondulado.
 Bueno... pois hai salar un pouco o sargo (eu tamén lle moín algo de pimenta) e fritir/parrillear, cada un ó seu gusto. Como eu lle como a piel a moitos peixes, pois por ese lado normalmente eu pásoo bastante.

Para facer o puré de patacas, cocemos as patacas (bastante cocidas, anque se pasen non importa moito que son para puré :)) e pisámolas co tenedor. Se tedes pasapuré tamén vale,  pero eu estou tratando de non compralo para non ter outro cacharro máis ocupando sitio na cociña.

Alguén me dixo que unha xema de ovo lle daba untuosidade e gusto, e tamén algo de manteiga ou margarina, así que foi o que lle botei.


Revolvemos todo o mejunje.  Como vedes na foto, queda algo duro. Aquí é onde entra o leite, podedes ir engadindo canto queirades (a pouquiños e revolvendo ben) ata que teña a textura que queirades.


E finalmente... poñémolo no plato, e comemos.  Estaba bo.

Por suposto: non ten nada que ver un sargo pescado no mar co que se compre na pescadería!

Aquí queda a foto-finish ;)

Etiquetas:

Comentarios

Publicar un comentario

Publicacións populares deste blog

Sopa de pescado e marisco

  Sopa de pescado e marisco. Todas as noiteboas fago unha parecida. Poden variar os ingredientes, porque esto consiste basicamente en ir cocendo cousas e metelas xuntas nunha pota, aproveitando a auga de cocelas, claro. Se en vez de usar cousas conxeladas ou de lata se usan as frescas, sabe mellor, claro ;) Esta é a lista dos ingredientes que usei este ano. Para o ano que ven, ou para ano vello se a fago, quen sabe... INGREDIENTES 1/2 Kg de berberechos 1/2 Kg de gambas peladas 8 barriñas de surimi ("palitos de cangrexo") 1/4 Kg de chipiróns 4 Cabezas de pescado (merluzas) 1 Kg de ósos de rape 1 "tronkito" de merluza 1/4 Kg de carne de mellixóns 1/4 Kg de carne de zamburiñas 1 sobre de crema de lubrigante (non atopei a de langosta) Un bote de salsa de tomate (400 g aprox.) 1 pocillo de tapioca Azafrán TEMPO Hora e media, máis ou menos PROCESO Se usas berberechos -chícaros, que se di na miña casa- con casca (recomendable porque...
Publicar un comentario
Ler máis

Tortilla de repolo

Isto empezou coa idea de facer okonomiyaki , que en xaponés é algo así como  "o que che guste, á plancha" e resulta na maioría dos casos un reboutallo de repolo con outras verduras, katsuobushi (lascas de bonito desecado), panceta e que sei eu. E todo recuberto con DEMASIADA salsa okonomiyaki e mahonesa. Como me pareceu demasiada salsa e demasiado tinglado, reduzo: tortilla de repolo, con algunha verdura máis, e algo de fariña. Todo crudo ata que se faga a tortilla, aínda que hai quen escoce, ou deixa en auga quente, ou mete no microondas, o repolo. Eu non o fixen, gústame a textura "al dente" que queda. INGREDIENTES Un cuarto de repolo Unha cenoria Media ceboleta 3 culleradas sopeiras de fariña 4 ovos  Sal e pementa, que non están na foto. (Non usei todo o que sae na foto) TEMPO Media hora aproximadamente PROCESO Picamos o repolo (eu usei pouco máis da metade do que sae na foto) en xuliana moi fina. Tamén a ceboleta, e a cenoria. Para esta, eu usei un pelador e fun...
Publicar un comentario
Ler máis

Queixo crema para untar

 Isto, máis que unha receta, é crear un ingrediente, pero como tamén vale para untar e comer só, pois aí vai.  INGREDIENTES 1 litro de leite enteiro. Non iba poñer publicidade, pero é leite galego, así que ó carallo. 1 limón (o seu zume) sal TEMPO Unha media hora. Logo ten que repousar varias horas na nevera. PROCESO Poñemos o leite nunha pota ó lume. Cando estea cerca de ferver, engadimos o zume do limón e deixamos a lume medio.  Podemos revolver e ver como vai callando. Despois de 5 minutos apagamos. Deixamos repousar media hora ou así.  Este era o aspecto que tiña cando apaguei o lume. Logo colamos poñendo un trapo. En teoría sería un colador e unha estameña, pero non tiña, así que usei un cesto da freidora e un trapo que humedecín. Apretamos o trapo para escurrir o soro. Quedou así. Este foi o resultado, para que se vexa canto soro hai e que pouca cantidade de queixo. Botamos no vaso da batidora, engadimos sal ó gusto, e empezamos a batir. Para que quede máis cre...
1 comentario
Ler máis