Wok de anillas de calamar con verduras

Hala, xa empezo a poñer nomes raros nas recetas, je je...

INGREDIENTES

• Anillas de calamar (uns 300 gramos)
• Allos
• Cebola (ou mellor aínda ceboleta)
• Cenorias
• Setas (eu usei champiñóns portobello)
• Pementos
• Brécol

Por suposto, as verduras cada un que escollas as súas. A min gústanme estas, e tamén me gustaban uns espárragos verdes que tiña na nevera pero esquencinme de botarllo, así que quedan para outra.

Para darlle un toque oriental, eu utlicei salsa de peixe, salsa de soja e vinagre de arroz. Esto encontreino todo nun supermercado chino. Gracias por dicirme que o había, sobriñas!

Hai que picar as verduras en cachos máis ou menos pequenos. Xa que vai ser comida tipo oriental, deberían ser dun tamaño axeitado para comer cos palillos, claro.

Aquí o "truco", se se lle pode chamar, consiste en ir botando antes as verduras que tarden máis en facerse.

Empezamos por dourar os allos (que non tardan máis, pero sí que ó dourarse dan un gusto especial). Como se ve na foto, uso unha tixela tipo wok (compreina na tienda dos chinos grande que hai cerca de Ribadeo, e  poñía que estaba feita en España). Como é grande e redondeada, axéitase ben para isto.

 

Logo botamos a cebola e o pemento. Deixamos que frita un pouco, e logo botamos un chisco de sal, para que "suden" algo. Non moito sal, que a salsa de peixe e a de soja teñen bastante.

Despois botei as anillas de calamares partidas en cachos. Vale, unha colóuseme enteira. Igual se podían botar antes que a cebola e o pemento. Penseino, pero decidín desta forma.

Logo bótaselle un chorro de salsa de soja e outro de salsa de peixe. Non sei se se aprecia na foto que aumentou o líquido do fondo, e que os calamares mourean algo polo color da salsa de soja. Cociñamos dous ou tres minutos.

Finalmente, botamos os champiñóns, a cenoria e o brécol.
Eu boteino todo xunto, pero probablemente fose mellor idea botar antes os champiñóns (estes son algo duretes), logo a cenoria, e máis tarde o brécol.

 

Deixamos que cociñe un pouquiño, e tapamos. Como podedes ver na foto, non teño tapas do tamaño da tixela esta, así que usei un viratortillas. Que, por certo, tampouco é grande dabondo. Pero como viratortillas é unha merda, así que ou o tiro dunha vez ou o uso para esto tendo coidado de non queimalo.

  

Para acabar, engadimos auga (igual se o deixamos a lume moi baixo non fai falta, pero eu tiña presa). Volvemos a tapar, e cociñamos durante aproximadamente 15 minutos, revolvendo de vez en cando. O tempo de cocción aquí é moi relativo. A min gústanme as verduras (en xeral toda a comida) pouco feitas, así que se che parece pouco tempo déixao máis ó lume.

E para acabar, botamos no plato, collemos uns palillos chinos, e a comer!