Mexillóns con pasta de curry tailandés

a

A receta ocorréuseme sen mirar por ningún sitio, pero despois busquei por internet e é unha receta tailandesa. Así que non inventei nada, pero están bos. Iso sí, poida que piquen algo (dependería tamén do tipo de curry usado).

INGREDIENTES

• Mexillóns. Eu usei 1 K
• Pasta de curry thai, como unha cullerada sopeira
  
• Unha lata de leite de coco
  
• Media ceboleta
• 2 dentes de allo aprox. Eu usei unha cullerada dun allo que tiña picado e en aceite.
• Medio vaso de viño branco
• Aceite
• Sal
   

 

TEMPO

Media hora máis ou menos. Os mexillóns cocen en 4 minutos, a salsa co curry depende do que lle queiras deixar.

PROCESO

Aínda que hai xente que abre os mexillóns na salsa do curry, eu prefereín facelo por separado.Así, se ves algún mexillón que non abre ou ten mala pinta, pode retirarse.

Así que primeiro cocín os mexillóns, botando medio vaso de viño branco (nada de auga). Desde que levanta a fervedura, un non chegou a catro minutos (tamén se ve se están abertos ou non). Unha vez cocidos, esperei que enfriaran algo aproveitei para colar a auga de cocción (cunha manga do café, que hai area moi fina polo medio).

Na seguinte foto vese a auga de cocer, a cantidade de pasta de curry que usei, e a textura do leite de coco. Este era do Mercadona, cun 91% de coco, pero probablemente fora mellor un algo "peor" con menos contido, menos denso. De todas formas só usei un pouco máis de medio bote.

Para o curry: piquei menuda unha ceboleta. Puxen na tixela unha cullerada de allo picado que teño nun bote con aceite, a ceboleta, e un pouco de sal para que "sude". A lume medio baixo (5 sobre 9 na miña indución). Aproveitei para deixar os mexillóns cunha casca nada máis.

 

Unha vez que o allo está un pouco dourado e a cebola algo pochada, boto a pasta de curry e vou aplastantdo cunha culler de madeira para ir desfacéndoo.

 

Cando tes este aspecto máis ou menos (uns cinco minutos despois) pode xa botarse o leite de coco.

Pois iso, botei o leite de coco (medio bote aprox) e como dúas ou tres culleradas sopeiras da auga de cocer os mexillóns. Non botei máis porque se non quedaría demasiado salado.

Déixase cocer a lume medio ata que teña a espesura que apeteza. Eu teríaos algo así como 15 minutos despois de engadir o coco. Ó final eu subín algo máis o lume para apurar este proceso.

E só queda colocar os mexillóns nun prato...

... e ir botanto culleradas de curry por enriba.

Ó final fixen como tres capas, e quedou tal que así. Poden comerse de quentes ou deixar que enfríen, pero a min gústanme máis de quentes.