Saltar ao contido principal

Guiso de pito

O guiso este fíxeno cunha zanca, anque se se fai co cuarto dianteiro (con ala, pescozo, etc.) tamén está moi bo, anque a peituga é algo seca. E vai guiso estilo miña mai, con prebe, non seco.

INGREDIENTES

  • Unha zanca de pito 
  • 2 patacas medianas
  • Unha ou 2 cenorias
  • Un tomate carnoso (tomate pera, por exemplo)
  • Unha Cebola
  • Allo (2 dentes chegan)
  • Guisantes (ó gusto, e poden ser frescos, conxelados, ou de bote)
  • Aceite, sal, viño, pementa...

TEMPO

50 minutos (mirando o tempo entre as fotos)

PROCESO

Para preparar todo xunto: troceamos o pito (a macheta que se ve na foto anterior funcionou de medo!), e salpimentámolo. 
Pelamos e picamos as patacas, a cenoria e a cebola. Pelamos e laminamos o allo, e picamos o tomate (hai quen o pela, eu non o fixen).

Que foto máis cojonuda queda con todo arreglado :)


Poñemos a dourar os allos nun pouco de aceite. Para estas couas unha pota de aceiro funciona moi ben.


Despois imos botando a cebola e a cenoria para pochar. Deixamos fritir un pouco directamente, e logo botamos un pouco de sal, a lume medio.


Logo, botamos o pito.


Dourámolo un pouco-bastante. Botamos un bo chorro de viño branco (tinto tamén vale, o que pasa é que queda todo de color máis oscuro) e deixamos que levante unha fervedura para que evapore o alcol.



Botamos os guisantes e as patacas picadas.


Deixamos que coza así un pouco (un par de minutos) e amecemos auga ata que cubra as patacas.


Poñemos o lume a tope ata que levante unha fervedura, e logo a lume medio-alto (digamos que na miña cociña estaba no 4 de 6) deixamos que coza todo, tapado.

Tras 20 minutos, xa está. Este é o aspecto na pota.


E este o aspecto no prato. Estaba moi bo. Con dicir que ía asalo, pero a temperatura do día fíxome cambiar de opinión para ter algo con líquido quente... Claro que o pito era dos criados na casa, e iso axuda moooooooooito :)

Bon apetit. Probádeo, é unha forma diferente pero moi boa!


Etiquetas:

Comentarios

  1. Anónimo15 de decembro de 2013, 23:52

    pois sí,parece ben apetitoso nun dia frio como o de hoxe,,eu ademais poñolle pementos vermellos e verdes cando a cebola...tamen me gusta mais a zanca ou a pechuga..pero tes razon..con polo de verdá esta moitisimo mais rico... .....
    Espero con ansia a receta do menu de noiteboa, que seica che toca cociñar(dixo Oscar)..
    Un saudo.

    ResponderEliminar
  2. O dono das potas16 de decembro de 2013, 00:39

    A sopa de pescado/marisco fágoa eu normalmente, si. Xa fixen unha este venres, pero co apuro non saquei ningunha foto.

    E ameixas á mariñeira para fin de ano, moi probables tamén.

    Se me acordo das fotos, subirei algunha delas, claro!

    ResponderEliminar

Publicar un comentario

Publicacións populares deste blog

Tortilla de repolo

Isto empezou coa idea de facer okonomiyaki , que en xaponés é algo así como  "o que che guste, á plancha" e resulta na maioría dos casos un reboutallo de repolo con outras verduras, katsuobushi (lascas de bonito desecado), panceta e que sei eu. E todo recuberto con DEMASIADA salsa okonomiyaki e mahonesa. Como me pareceu demasiada salsa e demasiado tinglado, reduzo: tortilla de repolo, con algunha verdura máis, e algo de fariña. Todo crudo ata que se faga a tortilla, aínda que hai quen escoce, ou deixa en auga quente, ou mete no microondas, o repolo. Eu non o fixen, gústame a textura "al dente" que queda. INGREDIENTES Un cuarto de repolo Unha cenoria Media ceboleta 3 culleradas sopeiras de fariña 4 ovos  Sal e pementa, que non están na foto. (Non usei todo o que sae na foto) TEMPO Media hora aproximadamente PROCESO Picamos o repolo (eu usei pouco máis da metade do que sae na foto) en xuliana moi fina. Tamén a ceboleta, e a cenoria. Para esta, eu usei un pelador e fun...
Publicar un comentario
Ler máis

Sopa de pescado e marisco

  Sopa de pescado e marisco. Todas as noiteboas fago unha parecida. Poden variar os ingredientes, porque esto consiste basicamente en ir cocendo cousas e metelas xuntas nunha pota, aproveitando a auga de cocelas, claro. Se en vez de usar cousas conxeladas ou de lata se usan as frescas, sabe mellor, claro ;) Esta é a lista dos ingredientes que usei este ano. Para o ano que ven, ou para ano vello se a fago, quen sabe... INGREDIENTES 1/2 Kg de berberechos 1/2 Kg de gambas peladas 8 barriñas de surimi ("palitos de cangrexo") 1/4 Kg de chipiróns 4 Cabezas de pescado (merluzas) 1 Kg de ósos de rape 1 "tronkito" de merluza 1/4 Kg de carne de mellixóns 1/4 Kg de carne de zamburiñas 1 sobre de crema de lubrigante (non atopei a de langosta) Un bote de salsa de tomate (400 g aprox.) 1 pocillo de tapioca Azafrán TEMPO Hora e media, máis ou menos PROCESO Se usas berberechos -chícaros, que se di na miña casa- con casca (recomendable porque...
Publicar un comentario
Ler máis

Queixo crema para untar

 Isto, máis que unha receta, é crear un ingrediente, pero como tamén vale para untar e comer só, pois aí vai.  INGREDIENTES 1 litro de leite enteiro. Non iba poñer publicidade, pero é leite galego, así que ó carallo. 1 limón (o seu zume) sal TEMPO Unha media hora. Logo ten que repousar varias horas na nevera. PROCESO Poñemos o leite nunha pota ó lume. Cando estea cerca de ferver, engadimos o zume do limón e deixamos a lume medio.  Podemos revolver e ver como vai callando. Despois de 5 minutos apagamos. Deixamos repousar media hora ou así.  Este era o aspecto que tiña cando apaguei o lume. Logo colamos poñendo un trapo. En teoría sería un colador e unha estameña, pero non tiña, así que usei un cesto da freidora e un trapo que humedecín. Apretamos o trapo para escurrir o soro. Quedou así. Este foi o resultado, para que se vexa canto soro hai e que pouca cantidade de queixo. Botamos no vaso da batidora, engadimos sal ó gusto, e empezamos a batir. Para que quede máis cre...
1 comentario
Ler máis